дзёньнік грымзы

Мне 27

Sat, 19 Dec 2009 11:46:10 GMT

Калі я была маленькая, хадзіла ў школу, насіла фенечкі і слухала рок і панк, мне здавалася, што 27 гэта абсалютна недасягальная лічба. Маральная дэградацыя, старасьць і ўпадак. Ну вы ведаеце - Цой, Джоплін, Дзягілева, Кабэйн і ўсе такое. Так што я цяпер проста суперстар ува ўсіх сэнсах :) Ніяк не магу вызначыцца цяпер - 27 гэта многа, мала, нармальна або пофік)
Сеньня прыгожы дзень (на мой ДН сьнегападу не было ўжо гадоў 10! :), у мяне класныя падарункі атрыманыя і чакаюцца, затое мой нашчадак в'юнаша Алесік сеньня ўночы падараваў мне тэмпературу 39, так што сьвяточныя мерапрыемсівы пераносяцца на Каляды.

на нашай вуліцы будзе сьвята!!!

Thu, 17 Dec 2009 14:56:33 GMT

Пішчу ад радасьці!
А калі раптам абламаецца, то можна і ў Вільню на канцэрт зганяць!

Ляляля! Конкурс-угадайка! (увага: нецэнзурная дзіцячая лексіка)

Mon, 14 Dec 2009 10:58:35 GMT

Хлопчык наш размаўляе добра, але самыя вялікія цяжкасьці вымаўленьня ў яго выклікаюць імены па бацьку. А ў нашых садках выхавацелькі і нянечкі ўсе спрэс павінны называцца па імені-імені-па-бацьку (цьху на іх саўковыя традыцыі, я таксама дрэнна запамінаю доўгія спалучэньні іменаў), не каб Спадарыня Марыя або Спадарыня Алена звацца, значна больш інцілягентна і выкшталцона.
Гэта былі ўводзіны, а цяпер я прапаную Вам угадаць імены выхавацельніц і нянечкі нашай групы ў выкананьні Алесіка:

нянечка (у лепшых савецкіх традышнз завецца толькі па імені па бацьку) - Нахуеўна,
выхавацелька Церебімаўна (у мяне, прабачце, асацыяцыі выключна з тым, што можно теребить)
выхавацелька Лёлячэслава
Вашы варянты? :)

неяк калі ржалі з сябрамі з гэтага факту, прыдумалі ідэю - стварыць шматсерыйны комікс пра вар'яцкіх садочкавых выхавацеляк Нахуеўну і Церебімаўну у лепшых традыцыях Нікіцічны і Маўрык'еўны, Бівіса і Батхеда, Саус парку.

UPD Падказваю: Нахуеўна яшчэ называецца Валеўна Халеўна (гэта як успомніць так і скажа)

UPD 2 Адказы
Нахуеўна - Міхайлаўна, Церебімаўна - Казіміраўна, Лёлячэслава - Вольга Вячаславаўна

3 гадЫ або тры гАды :)

Sat, 12 Dec 2009 10:22:49 GMT

сеньня зноў магія лічбаў 12.12 і тром гАдам - тры гадЫ: па-першае, сеньня тры гады хлопчэгу Алесю (ён ужо не младзенчык, не жабік і не малыш ніразу, патрабуе каб мы яго называлі Спадар Алесь), сеньня тры гады як я маць-яхідна і проста мамацька, а яшчэ, канешне ж, сеньня тры гады як krebsik тата гэтага маленькага гада (як кажуць "тры факін ееаррз!)
уласна імяніньнік з падарункам сеньня з раніцы (падарунак - цэлы горад little people, шчыра раю мамам аднагодак - і дзіцё балдзее, і сабе фан з такім гуляцца)

тэрмінова віншуйце нас і нашага маленькага спадара :))

Зіма

Tue, 01 Dec 2009 14:33:02 GMT

Каляндарная зіма наступіла, а сьнег не выпадае, бо я, мярзьлячка, да гэтай зімы падрыхтавался - замовіла са штатаў поўны камплект тэрмабялізны зь верхам нізам і тэрмашкарпэткамі (пакуль буду ў іх спаць :), а прыкладна праз тыдзень прыедуць шакаладнага колеру Уггі. Але каб зіма была такая сухая, цёплая і бясьсьнежная, як апошнія пару дзён - я толькі за. Але ж сьнег павінен ляжаць у сьнежні, а не ў красавіку, бо наконт сьнега ў красавіку ў мяне сумневаў няма, але ўжо з'явіліся сумневы наконт сьнега на Каляды і Новы год. Як вы лічыце, будзе сьнег?

І яшчэ мне тут пытаньне зімова-сьвяточнае задалі - ці не ведаеце вы дзе замовіць каманду беларускамоўных калядоўшчыкаў для сьвята ў школе? (а мо і мы б да сабе ў садок зацягнулі :) і колькі гэта прыкладна каштуе?

Мне, дарэчы, ужо званіў Дзед Мароз ("тата, ведаеш, дзед мароз знайшоў мамін нумар тэлефона!!!") і сказаў, што алесікаву замову выканае і ўжо знайшоў для яго падарунак.

picasa

Wed, 25 Nov 2009 22:04:07 GMT

дапамажыце, людзі вучоныя :)
усталявала пікасу каб нармальна пампаваць фоткі туды, а яно не хоча лагініцца, прычым цяпер нават калі праз вэб-інтэрфэйс спрабую заліць, таксама не працуе, хаця астатнія сервісы гугль працуюць і лагіняцца нармальна. антывірус, брандмаўзэр адключаць спрабавала. што яшчэ можна зрабіць?

экалогія штодня

Wed, 25 Nov 2009 12:12:27 GMT

Я стала зусім дарослай дзяўчынкай, а таму ўжо напрацягу году задумваюся аб тым унёску, які я магу зрабіць у экалагічнасьць свайго жыцьця. гаворка не аб тым, каб зьбіраць сваё (і чужое) сьмецьце на рыбалцы, або абіраць гарадзкія машыны з маленькім абёмам рухавіка і набываць хатнія дэвайсы толькі ўзроўню А і вышэй па экалагічных адзнаках, нехацецьноркавуюшубу:) і вучыць Алесіка з павагай ставіцца да прыроды і як правільна зь ей узаемадзейнічаць. я хачу паразмаўляць пра канкрэтныя захады па падвышэньні экалагічнасьці штодзеннага жыцьця.

- Выкарыстоўваць меньш паперы, друкаваць на чарнавіках, выкарыстоўваць паперу recycled. З магчымага: знайсьці ці здаецца зараз макулатура, паспрабаваць зьбіраць і здаваць.
- Выкарыстоўваць меньш вады: выключаць ваду калі чысьціш зубы, набіраць ванну і не ліць душ. З магчымага: не даваць Алесю ліць ваду калі ён гуляецца, а толькі набіраць ракавіну, затыкаць ракавіну з посудам, а ваду ліць калі апаласківаеш, яшчэ можна (падгледжана ўва ўлетцы ў Ізраілі, накіраванай на эканомію вады ў сувязі з цяжкай экалагічнай сітуацыяй Галілейскага мора) набраць вады ў пластыкавую бутэльку і пакласьці яе ў бачок прыбіральні - такім чынам на 1,5-2 л можна зьменьшыць аб'ём змываемай пры кожным зьліве вады ~~канечне яшчэ б зьменшыць аб'ём какашак, каторыя трэба змываць))))~~
- Не набываць/не браць паліэтыленавыя пакеты ў крамах (апошнія паўгады адчуваю сябе гадаўкай калі забываю сумку і не магу данесьці ў руках, з-за таго бяру пакет). Бываюць праблемы ў крамах, калі напрыклад на лімон ці кавун не хочуць клеіць цэньнік, а патрабуюць пакласьці ў пакет, але досьвед спажывецкага змаганьня ў мяне вялікі :) У нас дома шмат розных прыгожых шматразовых эка-торбаў з малюнкамі, агіткамі Эўразьвязу, рэклямай ігд (такія можна дастаць, напрыклад, на любой міжнароднай выставе, набыць (за мяжой) у краме або замовіць у спецыяльна абучаных людзей) і назваць гэтую торбу сеткай або авоськай немагчыма, гэта прыгожа і зручна і не рвецца краем упакаваных прадуктаў. Увогуле зьнізіць колькасьць упакаваных прадуктаў ува ужытку.
- Сартыроўка сьмецьця - пластык, шкло, папера асобна. Раней каля нашага дому стаялі асобныя сьметніцы, але пару месяцаў таму зьніклі. Што я зраблю: напішу запыт у наш ЖЭС з патрабаваньнем вярнуць сьметніцы. Мяне цікавіць як у Беларусі слушна выкідаць гумовыя шыны і батарэйкі, хто ведае?
- Выкарыстаньне энэргазьберагаючых лямпачак. Дарэчы, пасьля таго як мы пераехалі ў гэтую двухпакаёўку, мы амаль паўсюль дзе магчыма паставілі такія лямпачкі - мы плацім удвая меньш, чым плацілі ў аднапакаёвай кватэры за электрычнасьць, а кошт лямпачкі зараз невялікі - каля 3-5 даляраў.
- Выкарыстоўваць бясьпечную хатнюю хімію (пісаць пра брэнды не буду, каб мяне не абвінавацілі ў рэкляме :)
- зьменшыць выкарыстаньне аднаразовых плястыкавых бутэляк, набываць шкляныя, здаваць. Шкада, што зараз у нас вельмі мала прыймаюцть і зусім не ўсе бутэлькі, было б зручна здаваць бутэлькі на касе ў гіпермаркетах, як у Эўропе. Зараз мы набываем у плястыку толькі сланечнікавы алей.
- У адносінах да жывёлаў - паспрабаваць замяніць зімовае футраное і скураное адзеньне на сучасныя цёплыя тканіны накшталт гортэкса, мікрафібры, выкарыстоўваць тэрмабялізну. Нажаль, я не магу адмовіцца ад скуранога абутку, але думаю, што буду набываць штучныя жаночыя торбы. Яшчэ - меньш ужываць мяса (асабліва дарослым, у дачыненьні Алеся ніякіх вегатарыянскіх захадаў я не раблю, не перажывайце :). Гэта вельмі складана, я люблю мяса, але за апошнія паўгады мне ўдалося есьці яго значна меньш, а таксама не ўжываць кілбасы, сасіскі і іншы мяса-трэш.
- Увогуле зьменшыць колькасьць ужывантня адзеньня, FMСG (спажывецкіх тавараў), бо вялікі ўрон экалогіі наносяць проста аб'ёмы вытворчасьці для нашага грамадзтва спажываньня. Тут не меньш складана, чым зь мясам, бо я трушопаголік і красотка-модніца, але я шчыра над сабой працую і не толькі ў экалагічных, але ў эканамічных мэтах таксама спрабую ўстрымлівацца ад імпульсівных, не надта патрэбных набыткаў. Таксама есьць магчымасьць набываць рэчы ў сэканд-хэндзе, калі людзям рэлігія такое дазваляе (мне, калі што, дазваляе :)

Падзяліцеся са мной экалагічнымі ідэямі, раскажыце пра свае захады, дайце мне новы досьвед :)
Кат не стаўлю, бо тэма для мяне важная, прабачце.

калі і як вучыць чытаць (антаганізмы паміж маёй мамай і мною :))

Tue, 17 Nov 2009 09:47:48 GMT

Для сяброў, якія не чытаюць псы_бабы, але, магчыма, могуць сказаць нешта карыснае ў адказ на маё пытаньне ў якім узросьце і як вучыць чытаць?

вок ikea

Wed, 11 Nov 2009 10:52:15 GMT

скажите глупой женщине, а икеевский вок может использоваться на элоектроплите?

недоумеваю! (цягнікі і час)

Wed, 28 Oct 2009 11:37:08 GMT

даведалася на 27-ым годзе жыцьця абсалютна выпадкова ад lippa, каторай наўрала наша цілібачаньне, што калі ўвосень а 3-00 ночы пераводзяць гадзіньнік на зімовы час, то ўсе цягнікі стаяць адну гадзіну каб быць па раскладзе.
уніманіе, вапрос!
1) чаму нельга падкарэктаваць расклад кожнага цягніка калі вядома кропка Х знаходжаньня цягніка ў гадзіну Y? ці інфармуюць спажыўцоў суць пасажыраў пра час у дарозе менавіта ў гэты дзень? (па квітку)
2) што робяць цягнікі вясною пры пераводзе гадзіньнікаў на гадзіну наперад на летні час? па аналогіі - гоняць з падвойнай сілай, прасьціце?
дзісклэймер: я феміногуманітарый еслічо.

Кобрын: увага!

Tue, 27 Oct 2009 09:20:29 GMT

Хутчэй за ўсе валанцёры паедуць у Кобрынскі дзетдом 7 лістапада (7.11), таму вялікая просьба да ўсіх, хто абяцаў перадаць мне рэчы сустрэцца са мной на гэтым тыдні або на пачатку наступнага.
Паглядзець, чым дапамагчы дзеткам можна тут.
Сувязь: 395 73 99 вэлком Даша

русским языком не владеет (с)

Thu, 22 Oct 2009 14:23:50 GMT

Замест уступленьня: усім вам вядомы Алесік размаўляе і разумее на дзвюх мовах. Мала таго, маць ягоная, гадаўка, ~~grammar~~lingua nazi - калі дзіцё дома нешта кажа па-расейску, то робіць морду шлангам і кажа: "эээ, я цябе не разумею..." ~~можа ён думае што я тупая?))~~ і тады ён выпраўляецца. Пры гэтым, ён дастаткова часта блытае словы і размаўляе на трасянцы)

Кароча, суворая праўда пра пераКісь насяленія:
На мінулым тыдні прыйшлі да нас студэнткі па перапіс, мяне дома не было, а ў іх не было беларускамоўных бланкаў, таму была прызначана наступная сустрэча.
Прыходзяць яны зноў, а дома толькі я і Алесішча. І Алесішча, маладзец такі, пры іх разгаварыўся, прычым на чысьцюткай беоарускай, без памылак, расказвае ім нешта пра сябе, тату, якога не было, пла татаву пЛацу, садзік ігд. Дзевачкі, натуральна, паранялі сківіцы і вочы павылуплівалі, бо беларускамоўных трохгодак яўна не бачылі. Пры гэтым, са мной па-расейску дзевачкі тыя размаўляюць (дарэчы ў рамках лёгкага дзіравенскага флірта з krebsikам калі мяне не было дома, паршыўкі, па-беларуску маглі :), чытаюць па-беларуску пытаньні досыць каравенька, запаўняюць бланкі, мова-нацыянальнасьць нават і не пытаюцца.
Тут чарга да Алесевага бланка. Запаўняюць, запаўняюць нешта па-хуткаму, і пра мову - самі пішуць яму роднай беларускую (дарэчы, яна яму родная нават па іх дурацкім вызначэньні))) і на наступнае пытаньне, не пытаючыся мяне самі ставяць крыжык і голасна робяць абескуражваючы іх саміх вынік: РУССКИМ ЯЗЫКОМ НЕ ВЛАДЕЕТ!!! я заржала, але не стала пужаць іх страшным словам білінгвізм, ім ніпаложана)

Кобрынскі дзетдом: просьба да бацькоў дзетак

Mon, 19 Oct 2009 06:53:34 GMT

Спадарства, як вы памятаеце, у мінулым годзе мы зьбіралі і перадавалі ў Кобрынскі дзетдом кніжкі, DVD, мульцікі, канцтавары.
У гэтым годзе наведаць дзетак зноў паедуць burbalka, aliaksei, alesia_ra, lemantar, а можа нават і мы з Крэбсам.

Аднак, акрамя кніжак і развівальных цацак, у гэтым годзе выхавацелі папрасілі аб дапамозе зімовым адзеньнем і абуткам. У дзетдом можна аддаць карыстанае, але ў добрым стане, безумоўна, можна набыць новае.
Патрэбна:
1. Боты на зіму: па 4 пары кожнага з наступных памераў: 22, 23, 24 і 25.
Прынамсі, адныя 23 памеру аддам я.
2. Спартовыя касьцюмы для дзяцей: 5 маленькіх, 5 крыху большых, 5 яшчэ крыху большых (на ўзрост 3-4 гадкі), рост дзяцей ад 90 см да 1,05 м.
3. Я думаю, ніхто не адмовіцца ад якасных цеплых зімовых рэчаў кшталту куртак, камбінезонаў, швэдраў ігд.
4. У любым выпадку, пры адсутнасьці такіх рэчаў, будзе выдатна, калі зможаце паўдзельнічаць у дапамозе дзеткам грашыма.
Перадаць можна мне (+375 29 395 73 99 Дар'я) або любому з вышэйзгаданых юзэраў.
Піяр таксама вітаецца. Прашу выбачэньня ў фрэндоў, калі буду паўтараць гэты пост перыядычна.

UPD Cабрана вялікая скрыня зімовых рэчаў *нават з камбезам Reima :) і 6 параў б'к абутку і 4 пары новага абутку.

Радыё Свабода: блогеры пішуць пра будучыню

Fri, 16 Oct 2009 15:42:10 GMT

Будучыня. Восем асацыяцыяў - Радыё Свабода © 2009
німагу не папіярыць сябе любімую :)

Акрамя таго, раю ў сеняшняй рубрыцы:
Андранік Антаніан: добра забытае мінулае
Аndorac: нашы дзяды

сябры :) а ну ка хутка дапамажыце чалавеку!

Tue, 06 Oct 2009 11:14:14 GMT

1. шукаю дызайнера, фірму, ітп, якія робяць корпусную мэблю на замову (якасна, у тэрмін, за нармальны кошт). адразу скажу - замаўляць буду не зараз, а пазьней, зараз я хачу запрасіць чалавека каб ен памерыў і палічыў, колькі будзе каштаваць (прыкладна) мой "праект стагодзьдзя" ува ўласнай кватэры :)
2. раптам у каго дома ляжаць абсалютна непатрэбныя ролікавыя канькі 38-га памеру? я з задавальненьнем за дамоўны кошт збаўлю вас ад непатрэбнай рэчы. а вы мне карысьць зробіце :)
3. хто ў нас тут уладальнік інтэрнэт-крамы, прызнавайцеся? я тут пішу артыкул пра дзейнасьць інтэрнэт-крамаў, хацела бы паразмаўляць пра прававыя аспекты непасрэдна з гаспадарамі, дырэктарамі :)

гістарычная віктарына

Tue, 06 Oct 2009 07:40:37 GMT

усім, хто любіць марнаваць час з нейкай карысьцю, а заадно любіць віктарыны, раю паўдзельнічаць
у штотыднёвай віктарыне ў "Звяздзе", якую робіць наш сябра Мікола Тамашэвіч, каторы калісьці вельмі дапамог нам зь піярам вакол стварэньня нашага садка.
я ўчора цэлую гадзіну вечарам яе разгадвала, так сказаць, пашырыла кругагляд :-)
ПС нягледзячы на ўсетакое і на добры кантэнт віктарыны, крэаціў "звяздарыначка" гэта атас)))

зААпарк

Mon, 05 Oct 2009 08:29:23 GMT

Пакуль у нашых шыротах канчаткова не схаладнела і жыцьцё не спынілася да цёплай вясны (блін кагжэ я не люблю восень-зіму-раньнюю вясну і траебл*цкую халадэчу, а таксама сьнег, бруд, імжу, дождж, прачынацца раніцай і нашы траебл*цкія камунальныя службы і плян па ўключэньню ацяпленьня) распавяду вам яшчэ адзін спосаб выдатнага чайлд-энтэртэйменту: паход у заапарк.
Канечне, Мінскі заапарк курыць нервова ў старонцы ў параўнаньні з Кіеўскім, Будапешцкім, Венскім, этцэтра, і хадзіць туды паглядзець на жывёлаў асабліва не варта, але гэта добры забаўляльны комплекс для малых дзетак 2-7 гадоў прыкладна.

вось гэты прыгажун-мужчына да мяне прыставаў

а потым і мы да яго, але ён жаждаў апшчэнія! :)

а яшчэ там есьць Бусел самастойны-каторы-гуляе-сам-па-сабе

Бусел самастойны-ігд вырулівае са свайго вальера і нясьпешна гуляе па ўсім заапарку. дарэчы, самі бачыце пабудовы заапаркавыя, канечне, выглядаюць як сьціплая беларуская веска віцебскай вобласьці((

а яшчэ можна карміць каней хлебам (аднак астатніх жывелаў, акрамя "вясковай сядзібы", карміць нельга) і дакранацца да іх замшавых мяккіх прыемных пысаў

"Вясковая сядзіба". Можна гладзіць козачак і парсючкоў. Дарэчы, у Кіеве каля такой жа сядзібы прадаюць маленькія кулькі з морквай, капустай і іншымі прысмакамі для жывелаў за кошт каля 1$, а заробленыя такім чынам грошы ідуць на разьвіцьце заапарку, і паслуга карыстаецца попытам. Дарма, што ў нас так не зрабілі.
А яшчэ сьмешныя козачкі хацелі з'есьці мой зялёны шалік і камуфляжныя сапожкі :)

а вось гэта лянівая птушэнцыя не летае, а вальяжна пераскоквае з дупы на дупы і харчуецца нечым зь іх)))

зубр мяне асуджае за фатаграфаваньне

еьць такое шыкоўнае беларускае слова "лыч". дзякуючы гэтаму абшчыцельнаму дзіку я яго прыгадала :)

умовы жыцьця кашачых у зааапарку - найгоршыя, жывуць у нейкіх брудных жывельных аднапакаёўках, хаця над імі вісіць рэкляма матадора і нешта аб іх спонсарстве, хм.

а гэта сьвіньні-пекАры, жалкая падробка пад нашых дзікоў

а вось хіт усяго заапарка - лодачкі! дзіцё ныла паміж клеткамі "хацююю на лоооодацькі", прашу зьвярнуць увагу на правільны антураж - пёры ў шапцы як у тру-індзейца :)

алесь дагэтуль лічыць, што каноэ з адным вяслом не бывае і яму дзядзя не дадаў аднаго вясла, зажыліў)

яшчэ ў заапарку 2 вельмі прыстойных дзіцячых пляцоўкі

у якасьці бонусу:

пакуль мы боўдзіліся ў заапарку, krebsik назьбіраў 2 вядры чырвонагаловікаў

дык вось, чырвонагаловікі - ~~не толькі цэнны мех але і~~ выдатны рэквізіт для гульні ў клоўнаў :)

Увага! Патрэбная беларускамоўная выхавацелька!

Fri, 02 Oct 2009 07:52:34 GMT

Садочку №545, што ва Ўруччы, ТЭРМІНОВА патрабуецца БЕЛАРУСКАМОЎНАЯ выхавацелька!!!
Кантакты: Тацяна Мікалаўна (загадчыца) 260-11-77, 260-15-38.

Via nataluga. Вялікая просьба распаўсюдзіць абвестку!

Мамы і таты! Пайшліце выгуліваць дзяцей.

Mon, 28 Sep 2009 08:06:21 GMT

Сеньня апошні дзень шыкоўнага надвор'я на бліжэйшую будучыню, а з заўтрашняга халадае і пачнуцца дажджы. Улічваючы, што тэма жж-выгула дзяцей даўно абмяркоўвалася, то маю прапанову: давайце выгуляем дзетак сеньня ў парку (напрыклад, Горкага або ў батанічным садзе) прыкладна а 18 і пасьля. Хто за, хто супраць і хто ўстрымаўся? Прапановы вітаюцца.
UPD 18-10 каля ўвахода ў батанічны сад. калі спазьняецеся званіце і ўдакладняйце :)

гэта мая новая машына, а я пачотны вагонаважаты :)

Thu, 24 Sep 2009 13:21:58 GMT

(фотасесія са мною на капоце ў ірацічаскім прыкідзе будзе пазьней)
2003 г. Suzuki Wagon R+ 1300 куб.см CD/MP3, ABS, ESP, электрапакет (кароча, усе акрамя кандзея :)

рыдаю толькі з-за каструльнага колеру :)))

быць мне вагонаважатай :)

Mon, 21 Sep 2009 19:33:44 GMT

кстаті ~~о птічках~~а машынках. была на рынку, клала дупку ў машыны. вынікі:
мэрс а-класа дужа нязручны, сядзіш напаўлёжа, ручка кпп таксама нязручная, ну вапшчэ ніўпічатліл (акрамя кошта :)
хёндэ і гетц і атос досыць убогія знутры, хаця гетц сімпацічаскі звонку
у таёты ярыс абсалютна ябічаская кансоль і панэль, даць па шыі дзязайнеру
мазда дэміа не спадабался проста так
хонда джаз прыгажуньня і вапшчэ але доррага іціць
але я пасядзела і пракацілася ў вагонах. і вынік: вагон і толькі ён :) цяпер шукаю добрую машынку 2003-2004 года, пажадана прыдурашнага колеру вырві-вока. заадно пасьля маіх скокаў вакол вагонаў яшчэ адной вагонаважатай захацела стаць vasilisa75, вось што значыць праільны піяр))

Аўтамабільчэг: што я хачу?

Wed, 16 Sep 2009 10:23:20 GMT

Suzuki wagon R+ (па грошах арыентуемся на 2001-2004 прыкладна)

Daihatsu Move (2002-2003) але: замалы аб'ем, мала прапановаў на продаж такіх гадоў

Hyundai Atos (зноў такі замалы аб'ем, але гады 2003-2005)

(усім, хто мяне добра ведае - нісміяццо!) Mercеdes А-класс 140, 160, 170 (але гады не болей за 2000-2001, з нацягам 2002)

Мае ідэальныя патрабаваньні(акрамя таго, каб бог даў мне добрую машынку :) і каб яна лягла мне ў руку і пад жопку): аб'ем 1,6 кароткая (!) 5-дзьверная машынка-хэтчбэк пры неабходнасьці зь досыць вялікім багажнікам, эканомны расход паліва, формы накшталт азначаных вельмі падабаюцца. Кошт - прыкладна гуляем вакол 5500 $ плюс-мінус.

прадала так прадала

Wed, 16 Sep 2009 10:07:11 GMT

Учора з раніцы ў прыпадку ідзіасінкразіі я выставіла на продаж сваю машынгу.

У яе вельмі добры тэхнічны стан (і аб'ем рухавіка напісаны ў пасьведчаньні 1,0 а насамрэч 1,3). але ў яе пачаў падгніваць багажнік і троху драпін (але на ўсіх элементах), пры гэтым машына ў роднай фарбе і ніколі не была бітая.
Кароча, увечары я яе прадала першым пакупнікам. krebsik кажа, што прадзешавіла сотні на дзьве і надаваў па башцэ за тое, што пакінула там выдатны кенвудаўскі прайгравач, а не паставіла родны нисанаўскі касетнік. Я гэта тут пішу, каб ен супакоіўся і перастаў мне нагадваць пра гэта кожныя 5 хвілін :)
Цяпер упершыню за 5 год я гробаны пішыход. Напрыклад, я нават не ведаю як на грамадзкім транспарце даехаць да свайго дому :) Па-другое, цяпер я мячуся ў выбары новай машынгі. А па-трэйцяе, я даўлю скупую сьлязу, бо Мікрачка мая была выдатнейшай машынай, ніколі не ламалася, ганяла як зайчык і вапшчэ - яна была ў мяне першай _маёй_ машынай, не татавай, не мужняй, а толькі маёй. Пірыжываю аб гэтым цудоўным кавалку жалеза.

Аб'ява!

Mon, 14 Sep 2009 12:54:55 GMT

ШАНОЎНЫЯ БАЦЬКІ!

Школа Ранняга Развіцця Рэспубліканскага цэнтра тэхнічнай творчасці (вул.Макаёнка, д. 12) запрашае дзетак ў “Школу Ранняга Развіцця”. Накірункі дзейнасці дзіцячага гуртка:

• Выяўленчая дзейнасць
• Экалагічнае выхаванне
• Агульнапсіхалагічнае развіццё (логіка, развіццё мыслення, увагі, памяці, камунікатыўныя гульні)

Беларускамоўныя групы для дзетак 3-4 год займаюцца двойчы на тыдзень ў сераду і пятніцу у 17-00 і 17-35 . Для дзетак 3-4 год заняткі працягласцю 35 хвілін. Групы па 5 -8 чалавек. Таксама існуюць гурткі для дзетак 4-5 год.

ЗАНЯТКІ БЯСПЛАТНЫЯ!!!

кіраўнік Таццяна Уладзіміраўна тэл. + 375-29-569-34-24 (запіс у кіраўніка)

ПС мы запісаліся на 17-30 :)

Арменія: Севан

Wed, 02 Sep 2009 11:22:25 GMT

Возера Севан гэта не толькі ~~цэнны мех~~ страшная прыгажосьць, але і аграмезнае возера, што з'яўляецца самай вялікай крыніцай пітной вады на Каўказе. Знаходзіцца на вышыні 1900 м. над узроўнем мора (адно з самых вялікіх высакагорных вазераў у сьвеце), глыбіня дасягае 83 м. (* тут варта адзначыць, што армяне вельмі сьмешна размаўляюць па-расейску. напрыклад, наш сябра тут сказаў: "я не знаю какая самая высокая глубіна этого озера" :)
У гэтым стагодзьдзі быў рэалізаваны праект паніжэньня ўзроўня возера (праект прыпынены бо вызваў эўтрафікацыю - замінэралізацыю і цьвяценьне водаў возера), таму старажытны манастыр Севанаванк знаходзіцца цяпер не на выспе, а на паўвыспе. У возеры водзіцца ішхан - эндэмічны від стронга (фарэлі), і я ніколі не ела ў гэтым жыцьці нічога смачней за шашлык са сьвежага ішхана. Нават здымкаў стравы няма, бо было не да гэтага: ледзь мы ўсе не лопнулі там ад смакацішчы)

Інджой, піпл!
пад'ем да Севанаванка

храм манастыра Севанаванк (874 г. - мы ў той час яшчэ бегалі дэцэнтралізаванымі паганцамі па лясах), набыла сабе там армянкі крыжык замест свайго крыжа, што згубіла летам у моры ў Анапе

крыжы-каменьні

Від з паўвыспы на Севан

усім аматарам двух Дашак-беларусак :)

я вырашыла сама вераломна напасьць на армянскіх мужчын (і сесьці ім на шыю, бгг), каб ня я іх баялася, а яны мяне :))

від зь берага

замест ішхана ловяць во такую мелкату, пры гэтым таўшчыня лескі з палец, памер кручка з палец: я іх мысьленна асудзіла за непрафесіяналізьм і дылетантства, таму і ўловы маленькія..

у Севане купаюцца. Армяне кажуць, што тэмпература вады 20 С. Тут адразу можна непрылічна ржаць, бо гэта нейкія "армянскія 20 С", бо такая тэмпература - сярэдняя для беларускіх рэк улетку, і я нармальна ў іх купаюся. Дык вось пасьля прыжка, 30 м хуткім кролем бяз спыну у мяне спачатку зьвяло сьпіну ад холада, а потым ногі. Ледзь выпаўзла)) Я думаю, сапраўдная тэмпература вады ў Севане - дзярж.сакрэт ад турыстаў, а то ніхто купацца не будзе :)

мёрзну на беразе і грэюся бэйлізам

камяністы пляж

панарама возера

навакольлі

частка 1: Ерэван

частка 2: Цахкадзор
~~Усіх, хто не пойдзе і не аткаменціць, адфрэнжу нах~~ ;)